Мы — каманда беларускіх валанцёраў, што шануе і падтрымлівае ўсімі магчымымі спосабамі беларускую культуру і мову.
Нашы мэты:
Папулярызацыя беларускае мовы і культуры. Мы з вялікай любоўю і пашанай ставімся да беларускасці і прагнем зрабіць яе неад’емнай часткай жыцця як у Беларусі, так і за яе межамі. Увесь прыбытак ад дзейнасці нашай крамы накіроўваецца на дабрачыннасць — падтрымку праектаў, звязаных з развіццём беларускай мовы і культуры.
Даступнасць беларускага ў замежжы. Мы імкнемся даць людзям па ўсім свеце магчымасць адчуць беларускую культуру. У нашай краме вы можаце знайсці кнігі на беларускай мове, сувеніры і іншыя тавары, якія перадаюць дух і традыцыі Беларусі — з дастаўкай па ўсім свеце!
Дапамога беларускім вытворцам. Мы хочам дапамагчы беларускім рамеснікам, выдавецтвам і вытворцам у гэты няпросты час. Мы адкрытыя да супрацоўніцтва, прапануючы ім пляцоўку для продажу іх тавараў. Гэта наш унёсак у падтрымку іх працы і далейшае развіццё беларускай вытворчасці.
Мы жывем у Польшчы і пачынаем свой шлях адсюль, але штодня імкнемся развівацца, пашыраючы асартымент і функцыянал нашай крамы, удасканальваючы кожны этап працы — як з пакупнікамі, так і з вытворцамі.
Мы называем нашу пляцоўку "кавалачкам беларускай душы", бо шчыра верым, што сабралі тут усё самае лепшае, добрае і душэўнае, што адлюстроўвае беларускую культуру.
Дзякуй, што абіраеце нас і падтрымліваеце сваімі замовамі. Гэта вельмі важна для нас і натхняе на далейшае развіццё!
