Беларускія калыханкі

«Беларускія калыханкі» — гэта не проста кніга, а сапраўдны музычны скарб, які перадае з пакалення ў пакаленне традыцыі і цеплыню беларускай культуры. Тут сабраныя калыханкі з розных рэгіёнаў — ад Палесся да Падляшша — з нотамі, тэкстамі і аўдыяверсіямі праз QR-коды. Цудоўныя ілюстрацыі ажыўляюць любімых герояў дзіцячых сноў: катка, пеўніка, галубка. Гэта кніга для сумеснага спеву бацькоў і дзяцей, якая дорыць утульнасць, бяспеку і міласць роднага голасу.

***
У кнізе сабраныя калыханкі з усіх этнічных беларускіх рэгіёнаў, у тым ліку Падляшша і Палесся. Апрача нотаў і тэксту, кожная калыханка мае гукавую версію, якую можна праслухаць, скануючы QR-код. Традыцыйная мелодыя, рытм, родная мова – гэтыя простыя сродкі дораць гармонію і шчаслівае дзяцінства, напаўняючы яго мірам і спакоем.

Галубок, пеўнік і, вядома, любімы каток – усе гэтыя знаёмыя персанажы ажываюць на старонках кнігі дзякуючы цудоўным ілюстрацыям. Гартаючы кнігу з дзіцём, вы вандруеце па магічным свеце, па краіне мараў і сноў. Заспяваць калыханку можа кожны, тут не патрэбная спецыяльная музычная адукацыя, бо галоўная каштоўнасць не ў майстэрстве, а ў гаючым голасе роднага чалавека, які дае адчуванне цеплыні і бяспекі.