Беларускія посцілкі і дываны: антрапалогія і мастацтва традыцыйнай рэчы

«Беларускія посцілкі і дываны» — унікальнае даследаванне тэкстыльнай спадчыны беларускіх вёсак канца ХІХ–ХХ стагоддзя. Кніга раскрывае мастацкія, тэхналагічныя і абрадавые аспекты народнага тэкстылю, аналізуючы яго як культурны феномен. Выданне будзе карыснае дызайнерам, этнографам, супрацоўнікам музеяў, рамеснікам і ўсім, хто цікавіцца беларускай традыцыйнай культурай.

***

У кнізе прадстаўленыя асноўныя віды і мастацка-тэхналагічныя асаблівасці тканых посцілак і дываноў, што былі створаны ў беларускай вёсцы ў канцы ХІХ–ХХ ст. Даследуецца антрапалогія гэтых рэчаў, якія знітаваныя з чалавекам традыцыйнай культуры, спадарожнічалі яму ў побыце і абрадах, па-мастацку выявілі яго ідэалы і ўяўленні аб прыгажосці. Творы народнага тэкстыльнага мастацтва разгледжаны як выдатная з’ява беларускай нацыянальнай культуры. Выданне дапоўненае слоўнікам народнай тэрміналогіі ў гэтай галіне.

Кніга будзе карысная ў музейнай справе, дызайнерам і мастакам, у працы дамоў рамёстваў і шырокаму колу аматараў беларускага народнага мастацтва.