Казкі гарадскога парку

Далучайцеся да апошняга кроку серыі «Чытаю сабе сам»! «Казкі гарадскога парку» — гэта дзве цёплыя, але захапляльныя гісторыі пра сяброўства, таямніцы і гарадскія прыгоды. На гэтым узроўні дзіця ўжо можа самастойна чытаць цэлую старонку тэксту. Спецыяльны шрыфт і захапляльны сюжэт дапамагаюць чытаць упэўнена — і з задавальненнем.

***

У кнізе дзве гарадскія гісторыі. Першая пра прывіда, што жыве ў гарадскім люку і палохае мінакоў. Дзяўчынка разгадвае яго таямніцу. Другая пра насельнікаў парку, якія аднойчы губляюць добрага сябра і трапляюць у кепскую кампанію. Урэшце ўсё стае на свае месцы.

Крок 3 з серыі “Чытаю сабе сам”.

На трэцім кроку дзіця можа самастойна прачытаць цэлую старонку тэксту.

Шрыфт для дыслексікаў (і не толькі)

«Чытаю сабе сам» — гэта першыя гісторыі поспеху ў чытанні. Так серыя задуманая)

У серыі 3 узроўні кніжак: чытаем па словах, па сказах, па абзацах.

Каб дапамагчы адважнаму чытачу, мы выкарыстоўваем адмысловы шрыфт, распрацаваны для дыслексікаў: літары ў ім лягчэй распазнаюцца і не разбягаюцца.

У першых кніжках мы паставім націскі і расфарбуем склады. За цікавым сюжэтам наш герой не заўважыць, як перагорне апошнюю старонку.

А там яго ці яе чакаюць Дыплом і налепкі: прачытаць цэлую кнігу самастойна — гэта не жарты!