Часопіс «Наша гісторыя». № 4(33)-2021

«Наша гісторыя» №4 за 2021 год — выпуск беларускага гістарычнага часопіса пра гісторыю Беларусі і свету, культуру і выбітных асоб. У нумары — гісторыя зняволення Якуба Коласа і працы над «Новай зямлёй» і «Сымонам-музыкам», матэрыялы пра беларускі іканапісны шэдэўр XVIII стагоддзя, замак Белы Ковель пад Оршай і сапраўдную дэтэктыўную гісторыю пра крадзеж царкоўнага срэбра ў Магілёве XVII стагоддзя. Таксама выпуск расказвае пра лёс Уладзіслава Барташэўскага, негвалтоўны пратэст Махатмы Гандзі, швейцарскую дэмакратыю, Фларэнцыю і іншыя сюжэты сусветнай гісторыі.

У № 4/2021 “Нашай гісторыі”:

• Як Якуб Колас сядзеў у расійскай турме, падчас ператрусаў хаваў рукапісы за сваёй густой барадой і працаваў над «Новай зямлёй» ды «Сымонам-музыкам»;
• Неймавернае жыццё Уладзіслава Барташэўскага, які ў 18 гадоў трапіў у Асвенцім, у 24 — у камуністычную турму, але выжаў, напісаў 50 кніг, а ў 73 гады стаў міністрам замежных спраў свабоднай Польшчы;
• Швейцарыя: дзяржава, з якой ніхто ў свеце не параўнаецца колькасцю прамой дэмакратыі;
• Негвалтоўны пратэст Махатмы Гандзі: «Спярша яны цябе не заўважаюць, пасля смяюцца, затым змагаюцца з табой. А потым ты перамагаеш»;
• Кветка Фларэнцыя: магчымая перадазіроўка Рэнесансам;
• Міхал Арханёл з Парахонска: беларускі іканапісны шэдэўр XVIII стагоддзя;
• Гісторыя пра крадзеж царкоўнага серабра з Магілёва XVII стагоддзя — жывы дэтэктыў;
• Замак Белы Ковель пад Оршай. Пра што думалі Сангушкі, магнаты з Валыні, калі будавалі барочны замак без абарончых валоў і бастыёнаў так блізка да мяжы з Масковіяй;
• Па слядах Язэпа Бурачка. Памешчык-нашанівец з беларускага далёкага ўсходу Язэп Ціхінскі;
• Востраў Кюрасаа ў Карыбскім моры: чорны звонку, белы з сярэдзіны. А вядомы па сінім;
• Уладзімір Корсак: славуты паляўнічы з Белай Русі;
• Лясны арэх: ласунак для багатых, ласунак для бедных.