«Нататкі ў плыні часу» — глыбока асабісты і філасофскі раман, у якім штодзённасць педагога перарастае ў разважанне пра сутнасць чалавечнасці, адукацыі і сутыкнення асобы з сістэмай. Станіслаў Ракус у наватарскай манеры раскрывае ўнутраны канфлікт героя і пераўтварае будзённае ў літаратурнае адкрыццё.
***
Раман “Нататкі ў плыні часу” мае аўтабіяграфічную аснову. У цэнтры аповеду настаўнік вячэрняй школы і яго штодзённая педагагічная праца, поўная кур’ёзных сітуацый і парадоксаў. Канфлікт паміж дабром і злом трансфармуецца ў канфлікт паміж асобай і сістэмай (школьнай і грамадскай), у якой асоба вымушана існаваць. Станіслаў Ракус выкарыстоўвае новыя для славацкай літаратуры кампазіцыйныя і сюжэтныя прыёмы, што робіць яго творчасць наватарскай.
