Праз сябе — да сусвету. Кніга пра Алеся Разанава

«Праз сябе да сусвету» — гэта кніга пра чалавека, які глыбока ўплываў на беларускую літаратуру і філасофскую думку. Алесь Разанаў — паэт, філосаф, настаўнік, які адкрываў новыя формы і сэнсы. У выданні сабраныя ўспаміны ягоных калег і сяброў з Беларусі і з-за мяжы, сямейныя згадкі, рэдкія фотаздымкі і запісы публічных дыскусій. Кніга — каштоўны помнік яго постаці і творчасці.

***
Гэтая кніга — даніна памяці вялікаму паэту, адкрывальніку новых даляглядаў у беларускай літаратуры. Кола аўтараў вельмі шырокае. Сярод іх вядомыя грамадскія дзеячы, навукоўцы, пісьменнікі, выдаўцы, мастакі, мастацтвазнаўцы, журналісты, настаўнікі, якія добра ведалі яго як чалавека і вторчую асобу. Аўтары — а яны не толькі з Беларусі, але і з Польшчы, Германіі, Швейцарыі, Літвы, Расіі — дзеляцца сваімі ўспамінамі пра сустрэчы, супрацоўніцтва з Алесем Разанавым, думкамі пра ягоную творчасць. Кніга змяшчае таксама ўспаміны родных, згадкі самога паэта пра сваё дзяцінства, стэнаграфічны запіс дыскусіі 2011 года і паэтычныя прысвячэнні яму. 

Багата ілюстраваная архіўнымі фотаздымкамі.