Райцэнтр

«Райцэнтр» Тані Скарынкінай — гэта кніга, у якой звычайнае жыццё ператвараецца ў літаратуру, а маленькі горад — у цэлы сусвет. Праз назіранні, дэталі і гісторыі аўтарка захоўвае тое, што лёгка магло б знікнуць у плыні часу: галасы, падзеі, настроі. Смаргонь тут гучыць унікальным, асабістым голасам, дзе дробнае становіцца важным, смешнае — кранальным, а забытае — жывым. Гэта тэксты пра памяць, увагу і здольнасць бачыць цуд у самым звычайным.

***

Гэтыя тэксты – спроба ўратаваць знакі часу ад знікнення ў хаосе сучаснасці, смелае намаганне вырваць нерасказаныя гісторыі з цемры забыцця. Таня Скарынкіна ўпісвае ў космас свой малы свет, яна і назіральніца, і ўдзельніца, і нястомная калекцыянерка штодзённага цуду. Непрыкметная на першы погляд Смаргонь гаворыць унікальным Таніным голасам – і робіцца літаратурай. А значыць, кідае выклік лёсу: дробнае ў ёй робіцца важным, вялікае – смешным, смешнае – кранальным і нават трагічным; усё асуджанае на знікненне атрымлівае ў яе кнізе апошні шанец – і ажывае…