Сябры ў двары

Першы ўпэўнены крок да самастойнага чытання — гэта «Сябры ў двары». Кніжка з серыі «Чытаю сабе сам» для дзяцей, якія толькі пачынаюць чытаць: простыя сказы, расфарбаваныя склады, націскі і спецыяльны шрыфт для зручнасці — нават для тых, каму цяжка чытаць звычайны тэкст. Захапляльная гісторыя з дыпломам напрыканцы — каб чытанне стала перамогай!

***

Двор жыў дружна, пакуль аднойчы пацук не надумаў скрасці малое мышаня. Разам сябры адбіліся ад нахабы, а ўрэшце і перавыхавалі пацука.

Крок 1 з серыі “Чытаю сабе сам”.

На гэтым этапе патрэбныя простыя сказы (1-2 на старонку) і займальныя сюжэты. Мы паставілі націскі і расфарбавалі склады там, дзе іх шмат, каб чытанне давалася лягчэй.

Шрыфт для дыслексікаў (і не толькі)

«Чытаю сабе сам» — гэта першыя гісторыі поспеху ў чытанні. Так серыя задуманая)

У серыі 3 узроўні кніжак: чытаем па словах, па сказах, па абзацах.

Каб дапамагчы адважнаму чытачу, мы выкарыстоўваем адмысловы шрыфт, распрацаваны для дыслексікаў: літары ў ім лягчэй распазнаюцца і не разбягаюцца.

У першых кніжках мы паставім націскі і расфарбуем склады. За цікавым сюжэтам наш герой не заўважыць, як перагорне апошнюю старонку.

А там яго ці яе чакаюць Дыплом і налепкі: прачытаць цэлую кнігу самастойна — гэта не жарты!