Вянок

«Вянок» Максіма Багдановіча — адзіны прыжыццёвы зборнік выбітнага беларускага паэта, які ўпершыню пабачыў свет у 1913 годзе. Гэтыя вершы — сапраўдныя «краскі, свежыя калісьці думак шчырых і чуцця», якія і сёння асвяжаюць душу сваёй шчырасцю, лірыкай і глыбінёй. Кніга з’яўляецца не толькі сімвалам беларускай літаратурнай класікі, але і своеасаблівай духоўнай крыніцай для кожнага, хто шукае ў слове прыгажосць і праўду.

***
Максім Багдановіч (1891–1917) – класік беларускай літаратуры, паэт, празаік, крытык, публіцыст, перакладчык.

Адзіны прыжыццёвы зборнік вершаў Максіма Багдановіча "Вянок” убачыў свет у 1913 годзе, у Вільні, у друкарні Марціна Кухты. Антон Луцкевіч, аўтар першай рэцэнзіі "Пясняр чыстай красы”, пісаў: “І як у летні гарачы дзень у крыштальна чыстай крынічнай вадзе асвяжаецца наша цела, так асвяжае душу паэзія Максіма Багдановіча".

Гэтая кніга яшчэ адна прыгожая кветка ў вянок "Вянкоў" Максіма Багдановіча, дзе паэт запрашае прачытаць яго вершы - "краскі, свежыя калісьці думак шчырых і чуцця"...


ВЕРШ З КНІГІ