Ашуканкі Яны Вольскай з ілюстрацыямі Лявона Вольскага – сямейная кніга і новы жанр дзіцячае літаратуры! Сямейная – бо ад спадарства Вольскіх – у кожны дом і для дзяцей любога веку. Новы жанр – бо мы пэўныя, што столькі вясёлых ашуканскіх гісторыяў па-беларуску і пад адною вокладкаю вы яшчэ не сустракалі. Першая кніга Яны Вольскай – гэта 21 ашуканка: гісторыя і малюнак да кожнай, а нават гэштэґ – своеасаблівы назоў як асобны мікратвор. Вобразныя вершаваныя гісторыі пра распушчальных дзетак, кваквапарк, канапу з лапамі, тут і леў, які самлеў... Ёсць і тыя наскія з’явы, што адразу робяць кнігу сваёй, беларускаю. Але не будзем раскрываць усіх цікавінак – чытайце, атрымлівайце асалоду ад словаў і вобразаў. Ашуквацца ці не? Выбіраць вам!
