Беларуска-ўкраінскі альманах "Справа" №6/2019

Гэта выданне «Справы», прызначанае найперш для маладых чытачоў, змяшчае творы беларускіх і ўкраінскіх аўтараў. Чытачы знойдуць тут прозу, паэзію, пераклады, публіцыстыку. Галоўная тэма выпуску – як знайсці сябе і захаваць свае карані ў зменлівым свеце.

Дарагія маладыя сябры, гэты выпуск для вас і пра вас. Мы сабралі ўсяго патроху: нешта для чытання пад коўдрай, нешта перахапіць у дарозе, нешта, каб пагартаць між заняткамі. Штосьці вы зможаце паказаць малодшым, штосьці абмеркаваць са старэйшымі. Сувязь пакаленняў — гэта супер-суперважна. Тут і пра адносіны, і праблемы, і пра тое, як знайсці сяброў. А гэта, урэшце, не вельмі складана. Будзьце сабой, прыслухоўвайцеся да сябе, любіце сябе. Вы — заўтра гэтага свету. Толькі важна не забывацца пра карані, бо гэта тое, што робіць нас устойлівымі.