Гаспадар Ледзянога Саду. Том 1

Сага Гжэндовіча прызнаная ў Польшчы найлепшай фантастычнай кнігай 2001–2010

Дзе гаспадар ходзіць, там сад пачвараў родзіць! Адкіньце надзею, калі наважыцеся ўвайсці сюды. Згаснуць маніторы, знікне сувязь, змоўкне зброя. Тут валадарыць магія!

Вука Дракайнен адзін выправляецца ратаваць навуковую экспедыцыю, якая даследавала чалавекападобную цывілізацыю на планеце Мідгаард. Ён не мае права ўмешвацца ў развіццё невядомай культуры. Дракайнен трапляе ў ліхі час. Планета вітае яго туманамі і смерцю. Ідзе вайна багоў. Гінуць смертныя істоты. Хтосьці парушыў спрадвечны закон.

Гэтая фантастычная сага з чатырох кніг напісана з размахам, дастойным твораў Дж. Р. Р. Толкіна і Дж. Р. Р. Марціна, Р. Жэлязнага і У. Ле Гуін. Яе адрознівае тонкае спалучэнне элементаў навуковай фантастыкі з жанрам «фэнтэзі». Галоўны герой Вука Дракайнен прыбывае на планету Мідгаард, каб даведацца пра лёс навуковай місіі і вярнуць яе на Зямлю. Тут пануюць сярэднявечныя парадкі і магія, і Дракайнена чакаюць незвычайныя здарэнні і павароты лёсу...
Ашаламляльны сваёй маштабнасцю і эстэтыкай твор Яраслава Гжэндовіча — найлепшы ўзор сучаснай польскай фантастыкі, якая хуткімі тэмпамі здабывае новых адданых прыхільнікаў па ўсім свеце.