Гаспадар Ледзянога Саду. Том 3

Сага Гжэндовіча прызнаная ў Польшчы найлепшай фантастычнай кнігай 2001–2010

Дзе гаспадар ходзіць, там сад пачвараў родзіць! Адкіньце надзею, калі наважыцеся ўвайсці сюды. Згаснуць маніторы, знікне сувязь, змоўкне зброя. Тут валадарыць магія!

Хапіла чатырох зямлян, каб ператварыць планету Мідгаард у сапраўднае пекла. Па іх следзе, пазначаным неймавернымі зверствамі, ідзе Вука Дракайнен. Кіраваны непахіснай рашучасцю, крок за крокам ён прабіраецца скрозь кашмар нібы з хварога ўяўлення Гераніма Босха. Гэта яшчэ місія ці ўжо лес? І ці зможа ён спыніць тых, чыя сіла зрабіла іх роўнымі багам? Ці зможа ён іх забіць?

Гэтая фантастычная сага з чатырох кніг напісана з размахам, дастойным твораў Дж. Р. Р. Толкіна і Дж. Р. Р. Марціна, Р. Жэлязнага і У. Ле Гуін. Яе адрознівае тонкае спалучэнне элементаў навуковай фантастыкі з жанрам «фэнтэзі». Галоўны герой Вука Дракайнен прыбывае на планету Мідгаард, каб даведацца пра лёс навуковай місіі і вярнуць яе на Зямлю. Тут пануюць сярэднявечныя парадкі і магія, і Дракайнена чакаюць незвычайныя здарэнні і павароты лёсу...
Ашаламляльны сваёй маштабнасцю і эстэтыкай твор Яраслава Гжэндовіча — найлепшы ўзор сучаснай польскай фантастыкі, якая хуткімі тэмпамі здабывае новых адданых прыхільнікаў па ўсім свеце.