9 жніўня 2020 года ў Беларусі адбыліся прэзідэнцкія выбары, пераможцам якіх быў абвешчаны дзейны прэзідэнт Аляксандар Лукашэнка. Многія грамадзяне Беларусі палічылі гэтыя выбары сфальсіфікаванымі. Пачаліся шматтысячныя вулічныя пратэсты. Дзяржава адказала арыштамі і рэпрэсіямі. Турмы былі перапоўненыя. У адзінаццаціметровай камеры #18 мінскай следчай турмы на вуліцы Акрэсціна амаль тыдзень без ежы, вады, лекаў, адзення, сродкаў гігіены і амаль без паветра былі зняволеныя 36 жанчын. Пасля вызвалення нам удалося пагаварыць з адзінаццаццю з іх. Аб іх наша гісторыя.
