Кніга "Нескладаная чытанка па складах" пабудавана паводле прынцыпу "ад простага да складанага". Тэксты складзены пераважна з простых слоў, а словы – з простых складоў. Складападзел слоў зроблены паводле закону ўзрастання гучнасцi, якi не заўжды супадае з марфемным падзелам i правiламi пераносу.
Багата ілюстраванае выданне дазваляе зрабіць чытанне захапляльным і больш асэнсаваным.
Няхай дзіця зацікавіцца кнігай i тады пачне чытаць само, бо чытанне павінна прыносіць радасць і дзецям, і дарослым. Чытанне ні ў якім разе не можа быць павіннасцю ці пакараннем. А за прачытаныя радкі кожнаму будзе прыемна пачуць шчырую пахвалу!
