Цынік на прагулцы

Станіслаў Ежы Лец — знакаміты польскі лірык, сатырык, празаік і аўтар афарызмаў.

У кнігу ўвайшлі найлепшыя вершы і фрашкі з дванаццаці зборнікаў паэта ў беларускіх перакладах Андрэя Хадановіча.

Фрашка – гэта паэтычны літаратурны жанр, які атрымаў распаўсюджванне ў польскай літаратуры, пачынаючы з 16-га стагоддзя. У звычайным сэнсе слова «фрашка» абазначае нейкую дробязь. Адным з пачынальнікаў жанру, характэрнаму польскай літаратуры, быў Ян Каханоўскі (1530 – 1584 г.г.) – першы вялікі нацыянальны паэт эпохі Адражэння. Фрашкі таксама пісалі, у прыватнасці, Юліян Тувім і Віслава Шымборская, але адным з вядучых паэтаў, якія выкарыстоўвалі гэты жанр, быў менавіта Станіслаў Ежы Лец.