Бел-чырвона-белы. Сцяг. Нацыя. Ідэнтычнасць

Кніга «Бел-чырвона-белы сцяг. Нацыя. Ідэнтычнасць» — гэта фундаментальнае даследаванне гісторыі галоўнага нацыянальнага сімвала Беларусі.  
Аўтары аналізуюць вытокі і сімволіку белага і чырвонага колераў у беларускай традыцыі, разглядаюць штандары паўстанцаў 1863–1864 гадоў, дзейнасць Клаўдзія Дуж-Душэўскага, стваральніка сучаснага сцяга, і этапы яго выкарыстання ў ХХ стагоддзі — у Заходняй Беларусі, падчас вайны, у эміграцыі і ў перыяд новага Адраджэння канца 1980-х.  
Выданне багата ілюстраванае гістарычнымі фотаздымкамі, дакументамі і графічнымі матэрыяламі, якія ўпершыню сабраныя ў адной кнізе.  
Гэта не проста даследаванне — гэта кніга пра беларускую ідэнтычнасць, годнасць і памяць, што аб’ядноўвае пакаленні.

***
Грунтоўнае навуковае выданне з мноствам каляровых ілюстрацый пачынаецца з аналізу вытокаў і сімвалізму бел-чырвоных колераў у беларускай вексікалогіі, працягваецца грунтоўным гістарычным аглядам — штандараў паўстанцаў 1863-1864 гадоў; біяграфіі стваральніка сучаснага сцяга Клаўдзія Дуж-Душэўскага; перыяду Заходняй Беларусі; аналізам нямецкіх дакументаў, якія тычацца нацыянальнай сімволікі у Другую сусветную вайну; выкарыстаннем сцяга на эміграцыі і ў перыяд "новай хвалі" беларускага Адраджэння (канец 1980-х — пачатак 1990-х).