Беларусь - гэта святое

Зборнік турэмных малюнкаў, вершаў і выслоўяў Паўла Севярынца.

Павел Севярынец — беларускі палітык, публіцыст, пісьменнік, мастак, адзін са стваральнікаў Маладога Фронту і Беларускай Хрысціянскай Дэмакратыі. 
Палітычны вязень: адбыў за кратамі рэжыму Лукашэнкі агулам больш за 11 гадоў.
Нарадзіўся ў Воршы 30 снежня 1976 года. У 1994-ым скончыў мастацкую школу ў Віцебску, а ў 2000-ым — Беларускі Дзяржаўны Універсітэт па спецыяльнасці “геалогія” ў Менску. Арганізатар соцень акцыяў пратэсту
і салідарнасці у 1995—2020 гадах. Адбываў тэрміны паводле палітычных абвінавачанняў на Валадарцы, у СІЗА КДБ, на Акрэсціна, у Полацкім раёне, на Берасцейшчыне, у Магілёве, Шклове, Гарадзенскай турме.
Аўтар 14 кнігаў. Сярод іх “Лісты з лесу” (найлепшая кніга Беларусі ў 2007 годзе, паводле “Нашай Нівы”), “Каменнае сэрца” (прэмія Францішка Аляхновіча 2014), “Беларусалім. Золак” (найлепшая кніга паводле чы- тачоў і другая паводле пісьменнікаў на конкурсе “Кніга года-2017”, шорт-ліст прэміі Гедройця 2017 года), “Беларусалім. Сэрца святла” (прэмія “Воін святла” Саюза пісьменнікаў Украіны 2021 года).