Серыя “Цудада” — кніжкі-цацкі для самых маленькіх.
Наш дарослы ўнутраны свет збудаваны з маленькіх цаглінак, якімі мы бавіліся ў дзяцінстве. Памятаеце першыя песенькі? Казкі на ноч? Карцінкі з дзіцячых кніжак?
Серыя “Цудада” створаная для таго, каб гэтыя самыя першыя цаглінкі ў дзетак-беларусаў былі з адметнай, беларускай душой.
“Бобрык, які любіць ваду” — кароткая мілая гісторыя пра зубастага бобрыка і яго сяброў бусліка і выдру, якія бавяцца ў рацэ. Бо вада — найлепшая забава: можна купацца, плюхацца, глядзець на рыбак, а цяпер — яшчэ і чытаць у вадзе кніжку!
