Чорны замак Альшанскі

Раман «Чорны замак Альшанскі» — адна з найважнейшых кніг Уладзіміра Караткевіча і сапраўдны класічны дэтэктыў беларускай літаратуры. У ім містыка пераплятаецца з гісторыяй і філасофіяй, а пошукі скарбаў становяцца спробай аднавіць праўду і справядлівасць. Гэта твор, які паказвае Беларусь праз легенды, руіны і вечную сувязь пакаленняў, і які застаецца актуальным і сёння.

***
«Чорны замак Альшанскі» — класічны беларускі дэтэктыў. У ім, як і ў іншых творах Караткевіча, выяўляецца містычная повязь часу. Нездарма галоўны герой гэтага знакавага для беларускай культуры рамана Антон Косміч кажа: «Хто не памятае мінулага, хто забывае мінулае — асуджаны зноў перажыць яго. Безліч разоў». Для Косміча пошукі скарбаў роду Альшанскіх ператвараюцца не толькі ў цікавую прыгоду, але і ў барацьбу за ўсталяванне праўды і справядлівасці, у якой яму дапамагаюць самыя розныя персанажы: супрацоўнік органаў дзяржаўнай бяспекі, святы айцец, вартаўнік замка і касцёла, кіраўнік археалагічнай экспедыцыі. Гэта адзін з найвядомейшых твораў Уладзіміра Караткевіча.