Чырвоны крыж

«Чырвоны крыж» — адзін з наймацнейшых раманаў Сашы Філіпенкі, у якім малады футбольны арбітр Саша сустракае ў Мінску 91-гадовую жанчыну, што перажыла сталінскі ГУЛАГ і носіць у сабе балючую памяць пра ХХ стагоддзе. Гэта кніга пра тое, як чалавечая душа супрацьстаіць забыццю, пра пытанні, якія мы хочам задаць Богу, і пра нечаканую сувязь паміж пакаленнямі. Раман атрымаў шырокі водгук за мяжой і быў перакладзены на дзясяткі моў. Цяпер даступны па-беларуску ў інтэрнэт-кнігарні Kirma.sh з міжнароднай дастаўкай.

***
“Чырвоны крыж” — гэта гісторыя пра памяць і забыццё. Малады футбольны арбітр Аляксандр, Саша, прыязджае ў Мінск, каб паспрабаваць збудаваць наноў жыццё, разламанае напалам воляй абыякавага лёсу. І спатыкае тут жанчыну, дзевяностааднагадовую Таццяну Аляксееўну, якая выжыла ў сталінскім тэроры з надзеяй рана ці позна задаць пару пытанняў Богу.

Саша Філіпенка (нар. у 1984) — беларус з каласальным журналісцкім досведам. Ён публікуецца ў прэсе сусветнага ўзроўню і актыўна бароніць здаровы сэнс і чалавечнасць.

Аўтар шасці раманаў, а таксама апавяданняў і п’ес. Лаўрэат шэрагу прэстыжных прэмій, з якіх самая яркая — Французская літаратурная прэмія Transfuge для рамана “Крэмулятар” у якасці найлепшага еўрапейскага рамана 2023.

Раманы Сашы Філіпенкі перакладзены на французскую, нямецкую, чэшскую, венгерскую, польскую, італьянскую, англійскую, харвацкую, галандскую, іспанскую, японскую, шведскую, славацкую, тайскую, карэйскую мовы. Яны напісаны па-руску, аднак у 2024 годзе былі пераствораны па-беларуску.

*Перш чым везці гэтую кнігу ў Беларусь, пераканайцеся, што гэта бяспечна.

Беларускі аўтар Філіпенка агаляе нядаўнюю гісторыю бязлітаснай расійскай дзяржавы гісторыяй малаверагоднага сяброўства паміж маладым удаўцом і кабетай, што перажыла сталінскі ГУЛАГ… Ён уносіць свежасць і дасціпнасць у знаёмую гісторыю савецкай трагедыі.

Publishers Weekly

Самым цікавым было пачуць голас маладога пісьменніка з пакалення, якое амаль не ведала савецкіх часоў, і ўбачыць, як ён змагаецца з гэтай тэмай… Журналістыка можа даць вам шмат ведаў пра праблему, акрэслівае сацыяльнае паходжанне, прыводзіць лічбы і агучвае меркаванні, але нішто так глыбока не раскрывае чалавечую душу, як раман.

Los Angeles Review of Books

Які кранальны і душэўны аповед пра жанчыну, якая адчайна хоча перадаць тое, што перажыла, пакуль яна яшчэ памятае. Вось як яна тлумачыць, чаму губляе ўспаміны: “Таму што Бог баіцца мяне. У мяне зашмат нязручных пытанняў…” Так пачынаецца захапляльная, балючая і душэўная гісторыя Савецкага Саюза падчас Другой сусветнай вайны.

BonnieD

“Чырвоны крыж” — кніга сур’ёзная, не надта дэпрэсіўная. Без сумневу, гісторыя захапіла мяне і глыбока закранула. У той жа час мяне таксама ўразіла і натхніла сіла, энергія і мужнасць, з якімі два галоўныя героі ідуць па жыцці.

LaViv