Да новага заўтра

Зінаіда Бандарына — адна з найбольш адметных паэтак 1920-х. Яе творы гучаць востра і актуальна і сёння. Гэтае выданне збірае выбраныя вершы, многія з якіх друкуюцца ўпершыню.

***
Гэта каштоўнае выданне дазваляе зразумець драматычны стан адной з самых значных беларускіх паэтак ХХ стагоддзя, што пражыла яркае, але кароткае жыццё, адчуць смак дынамічнай беларускай паэзіі 1920-х гадоў, а галоўнае – вярнуць у гісторыю нашай літаратуры імя неардынарнай асобы і творцы – Зінаіды Бандарынай. Кніга яе выбранай паэзіі "Да новага заўтра" ўключае як вершы з прыжыццёвых зборнікаў і перыядычных выданняў, так і творы, якія нідзе не друкаваліся.