Гісторыі пра адважнага рыцара Тэнксалота і дракона містара Кайндлі

«Біць альбо не біць?» — перад гэтай маральнай дылемай апынаецца герой кнігі «Гісторыі пра адважнага рыцара Тэнксалота і дракона містара Кайндлі». Ён адпраўляецца забіць дракона, бо так належыць паводле рыцарскага коду. Але замест бойкі адбываецца нечаканае: пачынаецца размова. Так два антаганісты ператвараюцца ў суразмоўцаў, а перад чытачом раскрываецца свет поўны гумару, гісторыі, фантазіі і філасофіі. Гэта першае беларускае выданне твора вядомага літоўскага аўтара Гінтараса Граяускаса — і яно абавязкова застанецца ў памяці.

***
“Біць альбо не біць? “— маральная дылема рыцара.

Герой аповесці Гінтараса Граяускаса адпраўляецца на пошукі дракона, каб яго забіць, бо гэта лагічна і натуральна, калі ты завешся рыцарам.
Тваё атачэнне патрабуе ад цябе канвенцыйнага дзеяння — забойства. Гэта экзамен, які належыць здаць, каб цябе прызналі за таго, кім ты заяўлены. Але “штосьці пайшло не так”.

Два антаганісты — рыцар і дракон — замест таго, каб біцца, пачынаюць размаўляць. Чытач робіцца слухачом захапляльных гісторый, у якіх рэальныя гістарычныя падзеі і персанажы пераплятаюцца з фантазіямі, поўнымі гумару і філасофіі.

Гінтарас Граяускас (Gintaras Grajauskas) — вядомы паэт, перакладчык, драматург, музыкант.

Яго творы выходзілі шмат на якіх мовах; проза беларускаю выдаецца ўпершыню.

Пераклад з літоўскай мовы Сабіны Брыло.

Аўтар і перакладчыца выказваюць падзяку Саюзу пісьменнікаў Літвы (Lietuvos rašytojų sąjungai) за спрыянне перакладу кнігі
і Міжнароднаму саюзу беларускіх пісьменнікаў за тое, што кніга пабачыла свет.