Каляды 1992

Гэта кніга — як вяртанне ў зіму, калі цуд яшчэ здаваўся натуральнай часткай жыцця. 
«Каляды 1992» расказваюць пра час, калі гульня магла перарасці ў прыгоду, а калядныя спевы — у нешта сапраўднае і трошкі небяспечнае. Гэта гісторыя пра памяць, сталенне і пра тое, як забавы дзяцінства здольныя мяняць свет нават праз гады.

***
Снежаньскім вечарам наконадні Калядаў чацвёра беларускіх дзетак знаходзяць на гарышчы фотаздымкі калядоўшчыкаў. Знаходка пераўтвараецца ў гульню, а гульня — у прыгоду з пераапрананнем, містычнымі спевамі і нават пагоняй!

Што будзе, калі дзеці ненарокам перабягуць дзяржаўную мяжу?

У 2018 годзе свет пабачыла першая кніга гэтых аўтарак — “Казкі Старога Адамкова”. Новая гісторыя нібы вяртае нас да любімых герояў, але ўсе заўважна пасталелі: і дзеткі, і аўтарка, і чытачы.

Выйшаў настраёвы аўтафікшн на дзяцей і дарослых пра цуд і пра забаву, якая й сама робіць свет лепшым.