Кот Шпрот і зніклы мышамабіль

Перавыданне культавай кнігі для дзяцей Ганны Янкуты "Кот Шпрот і зніклы мышамабіль"!

Калі ноччу Мінск напаўняецца ценямі, прывідамі і цікавымі таямніцамі, пачынаюцца сапраўдныя прыгоды. 
Гэтая гісторыя зноў запрашае маленькіх чытачоў у свет ката Шпрота — свет, дзе горад робіцца месцам даследаванняў, а кемлівасць, сяброўства і ўменне не баяцца невядомага дапамагаюць знаходзіць адказы нават на самыя загадкавыя пытанні.

***

Пасля доўгай зімы кот Шпрот, які любіць часам уцячы ноччу з дому і пагуляць па Мінску, разам з прывідамі Марай і Жан-Жахам выбіраецца на прагулку ў Батанічны сад. І, вядома, там іх чакае таямніца, якую трэба разгадаць. Разам з трыма мышамі-вынаходніцамі і хлопчыкам Алесем кот і прывіды пачынаюць новае расследаванне.