Крэмулятар

«Крэмулятар» — самы знакаміты раман Сашы Філіпенкі, беларускага аўтара з сусветным прызнаннем. Кніга, адзначаная прэстыжнай французскай прэміяй Transfuge як найлепшы еўрапейскі раман 2023 года, уздымае тэмы вайны, рэвалюцыі і чалавечага выбару ў часы тэрору. У аснове — матэрыялы следчай справы першага дырэктара Маскоўскага крэматорыя Пятра Несцярэнкі, праз паказанні і дзённікі якога чытач пражывае цэлае стагоддзе гісторыі. Гэта твор пра тое, як заставацца чалавекам у абставінах, калі чалавечае жыццё нічога не каштавала. Раман ужо перакладзены на дзясяткі моваў і ўпершыню прадстаўлены чытачу па-беларуску.

***
Самы знакаміты раман Сашы Філіпенкі. Твор атрымаў прэстыжную французскую прэмію Trasnfuge як найлепшы еўрапейскі раман 2023 года.

Раман распачынаецца падзеямі 23 чэрвеня 1941 года, калі наступ нямецкай арміі запускае ў СССР чарговую хвалю барацьбы са шпіёнамі. Твор паглыбляе чытача ў атмасферу 1930-х гадоў і грунтуецца на матэрыялах следчай справы першага дырэктара Маскоўскага крэматорыя Пятра Ільіча Несцярэнкі, праз паказанні і дзённікі якога можна прасачыць лёс чалавека на фоне знакавых падзей першай паловы ХХ стагоддзя: войнаў і рэвалюцыі, эміграцыі і вяртання ў СССР часоў тэрору. Аўтар даследуе ўнутраны свет чалавека, пастаўленага перад немагчымым выбарам.

Саша Філіпенка (нар. у 1984) — беларус з каласальным журналісцкім досведам. Ён публікуецца ў прэсе сусветнага ўзроўню і актыўна бароніць здаровы сэнс і чалавечнасць.

Раманы Сашы Філіпенкі перакладзеныя на французскую, нямецкую, чэшскую, венгерскую, польскую, італьянскую, англійскую, харвацкую, галандскую, іспанскую, японскую, шведскую, славацкую, тайскую, турэцкую мовы (і ў найбліжэйшых планах – карэйская). Яны напісаны па-руску, аднак сёлета былі пераствораныя па-беларуску.