Мастацтва філасофствавання

Кніга «Мастацтва філасофствавання» — адна з найважнейшых прац Бертрана Расэла, выбітнага брытанскага філосафа, матэматыка і мысляра. Напісаная падчас Другой сусветнай вайны, яна адкрывае сутнасць філасофскага мыслення — як мастацтва аналізаваць, сумнявацца і шукаць ісціну.  
У гэтым выданні таксама змешчаны кароткі біяграфічны нарыс пра аўтара і англійска-беларускі тэрміналагічны гласар, што робіць кнігу карыснай як для студэнтаў і даследчыкаў, так і для ўсіх, хто цікавіцца філасофіяй і гісторыяй ідэй.  
Класічнае чытанне, якое дапамагае глыбей зразумець логіку мыслення і сутнасць чалавечага розуму.

***
Праца «Мастацтва філасофствавання» была напісана знакамітым брытанскім філосафам, логікам, матэматыкам і грамадскім дзеячам Бертранам Расэлам (1872-1970) падчас Другой сусветнай вайны, калі ён яшчэ быў у меншай ступені заклапочаны галаваломнымі пытаннямі ядзернай вайны ды стрымлівання камуністычнай агрэсіі, а ў большай — «мастацтвам вылічэння» ў галіне матэматыкі, логікі і філасофіі. Упершыню кніга ўбачыла свет у 1968 г. У гэтым выданні, акрамя тэксту працы, таксама змешчаны кароткі біяграфічны нарыс пра яе аўтара і кароткі англійска-беларускі тэрміналагічны гласар. Адрасуецца шырокай чытацкай аўдыторыі.