Мёртвым не баліць. Ліквідацыя. Без цэнзуры

Гэтае выданне аб’ядноўвае дзве знакавыя аповесці Васіля Быкава — «Мёртвым не баліць» і «Ліквідацыя» — у рэдкай, фактычна ўнікальнай для беларускай літаратуры непадцэнзурнай рэдакцыі. Упершыню тэксты былі надрукаваныя без купюр ужо пасля смерці аўтара ў 2014 годзе, і чакалася, што надалей яны будуць выходзіць толькі ў такой форме. Але цэнзурнае ўмяшальніцтва працягвалася. Таму гэтае кніжнае выданне, што выходзіць у Беластоку, становіцца толькі другім поўным непадцэнзурным друкам, які дазваляе чытачу ўпершыню ўбачыць аўтарскі тэкст Быкава без скарачэнняў і правак.