Незалежнасьць - гэта...

“Незалежнасьць — гэта…” — выбраныя эсэ аднаго з найвядомейшых беларускіх аўтараў, Уладзіміра Арлова. Гэта кніга — як машына часу: чытач апынецца ў Менску 90-х, Бэрліне пасля падзення мура, Тунісе перад рэвалюцыяй, у Стакгольме, у Нью-Ёрку на даху Сусветнага гандлёвага цэнтру… З гумарам, дакладнасцю і паэтычнай тонкасцю Арлоў разважае пра час, прастору і пошукі беларускай ідэнтычнасці. Эсэ перакладаліся на больш як 20 моваў.

***

Кніга выбраных эсэ Ўладзіміра Арлова – своеасаблівая машына часу, якая дапаможа чытачу зьдзейсьніць дзясяткі падарожжаў, нязьменна аб’яднаных пошукамі Беларусі і – непаўторным сакавіта-грубаватым арлоўскім гумарам. Пунктамі прызначэньня будуць Менск пачатку 1990-х і Бэрлін з абрынутай толькі ўчора сьцяной паміж двума сьветамі, Грузія часоў Зьвіяда Гамсахурдзія і Сахара дарэвалюцыйнага Тунісу, дах яшчэ цалюткага Сусьветнага гандлёвага цэнтру ў Нью-Ёрку і стакгольмская кватэра нобэлеўскага ляўрэата 2011 году паэта Тумаса Транстрэмэра… Разам зь пісьменьнікам чытач зможа адчуць зьмены, што адбыліся ў нашай краіне і сьвеце за цэлую чвэрць стагодзьдзя. Эсэ, што ўвайшлі ў кнігу, перакладаліся болей, чым на дваццаць моваў.