Пра паэзію, сэкс, рэлігію і самаўсведамленне

Што аб’ядноўвае паэзію, рэлігію, сэксуальнасць і філасофію? У кнізе «Пра паэзію, сэкс, рэлігію і самаўсведамленне» Алесь Анціпенка разглядае феномен самаўсведамлення чалавека праз творы класікаў беларускай літаратуры, ідэі Кіркегора і біблейскія тэксты. Гэта глыбокае і важнае чытанне для тых, хто шукае сэнсы ў літаратуры, мысленні і духоўным досведзе.

***
Гэтая кніга – пра феномен самаўсведамлення чалавека ў паэзіі, культуры, этыцы і рэлігіі.

Кандыдат філасофскіх навук Алесь Анціпенка даследуе феномен самаўсведамлення чалавека на падставе паэтычных твораў Максіма Багдановіча, Наталлі Арсенневай, Міхася Стральцова, Уладзіміра Арлова, а таксама працаў дацкага філосафа Сёрэна Кіркегара і тэкстаў Старога і Новага Запаветаў.

Кніга будзе цікавая навукоўцам, выкладчыкам, студэнтам філасофскіх і філалагічных спецыяльнасцяў, а таксама ўсім, каго хвалююць пытанні самаўсведамлення і развіцця, сучаснага стану філасофскай думкі.