Стукі грукі - што за гукі. Вершы пра інструменты

Што агульнага паміж малатком, дрылём і нават іголкай з ніткай? Усё гэта можа стаць героямі займальнай гісторыі, калі інструменты загаворваюць вершамі! «Стукі-грукі — што за гукі» — гэта не проста дзіцячая кардонная кніжка, а сапраўдны квэст па свеце рэчаў, якімі карыстаюцца дарослыя. Андрэй Скурко праз паэтычныя радкі паказвае інструменты з вясёлага боку, а ілюстрацыі Волі Кузьміч дапамагаюць дзецям пазнаваць і запамінаць іх у гульнявой форме.

***

Кардонная кніжка з вершамі Андрэя Скурко і малюнкамі Волі Кузьміч.

Гісторыі пра інструменты і іх магчымасці.
Свежыя навіны!
Чаму зайцам забаранілі праносіць у рэйсавыя аўтобусы адкруткі?
Кот схапіўся за дрыль: што ён задумаў?
Падсілкаваўшыся кашай, перакусваем жалезны дрот!

Стукі-грукі —
Што за гукі?
Малаток я ўзяў у рукі.
Ён вялікі і цяжкі.
Я іду шукаць цвікі!

Змест

• Малаток
• Гаечны ключ
• Пласкагубцы з абцугамі
• Адкрутка
• Шрубакрут
• Трымер і газонакасілка
• Дрыль
• Сякера
• Нажоўка
• Рубанак
• Рулетка
• Пра іголку ды нітку