Маша Чаракова, аўтарка праекта «Гэта Беларусь, дзетка!», прыдумала гэтую цудоўную ілюстраваную казку для дзетак, якія толькі пачалі вывучаць англійскую мову. Кніга «Тайны Дзед Мароз» займае ў жыцці Машы адметнае месца, бо яна напісала яе разам з мужам Джорджам Таннерам, а герояў яны назвалі ў гонар сваіх дзяцей. Цяпер у іх ёсць запаветнае жаданне: каб усе дзеці і дарослыя на свеце натхніліся гэтымі гісторыямі і пачалі ладзіць адзін аднаму сюрпрызы — хай невялічкія, але ад сэрца!
