Вяртанне. The Redemption

Што значыць вярнуцца? У новым зборніку Надзеі Кропачкі гэтае пытанне становіцца дарогай. Праз алюзіі, асабістыя пошукі і смелыя формы паэзія вядзе чытача праз цемру, успаміны і спадчыну. Кніга — запрашэнне вяртацца разам з лірычным героем.

***
Другі зборнік паэта, які хаваецца пад псеўданімам Надзея Кропачка, кранаецца матываў вяртання — і ў сэнсе лірычных вобразаў, і ў сэнсе перагляду старой спадчыны.

Вяртанне дамоў — па слядох папярэднікаў, адсылкі да якіх дзе-нідзе ўгадваюцца ў радках, або навобмацак у цемры, пракладаючы шлях незвычайнымі формамі, або па даўніх пуцявінах дзяцінства — дарога, якою лірычны герой ідзе скрозь усю гэтую кнігу і, трэба спадзявацца, калі-небудзь дойдзе.

Дык вазьміце ж гэтую складанку ў рукі і выпраўцеся ў гэтую вандроўку разам з ім!