Юзаф Пілсудскі

Гэтая кніга — біяграфія неардынарнай асобы, якой было наканавана змяніць лёс Польшчы і Усходняй Еўропы ў XX стагоддзі. Легендарнае імя Юзафа Пілсудскага цвёрда ўпісана ў гісторыю, з ім звязана такая векапомная падзея, як аднаўленне дзяржаўнасці Польшчы ў 1918 годзе.

Палітычны і ваенны лідар прайшоў складаны і супярэчлівы жыццёвы шлях. Пачаўшы як рэвалюцыянер-сацыяліст, ён заўсёды ставіў нацыянальныя інтарэсы вышэй за ўсё, умеючы віртуозна знаходзіць кампрамісы, праяўляючы палітычную прадбачлівасць, не цураючыся радыкальных рашэнняў. Як геніяльны шахматыст, ён бачыў развіццё падзей на некалькі крокаў наперад. Не дзіўна, што ўжо пры жыцці яго ўчынкі былі ахутаны легендай і славай.

Аўтар біяграфіі — вядомы польскі гісторык Уладзімеж Сулея — стварыў грунтоўнае і дакладнае апісанне фігуры Пілсудскага як простага, сціплага чалавека і вядучага палітычнага дзеяча эпохі.