Патаемная спадчына. Казкі пра беларускіх жанчын. Том 1+2

Увага! Ініцыятыва ByProsvet прызнаная экстрэмісцкім фармаваннем у Беларусі — везці кнігу ў Беларусь небяспечна

Беларуская гісторыя — нібыта скарбонка, у якой хаваецца шмат таямніц. Яна захоўвае безліч імёнаў тых, хто істотна паўплываў на навакольны свет. Асаблівую ўвагу мы хочам надаць дзейным, творчым, разумным жанчынам, бо доўгія гады яны заставаліся нябачнымі для грамадства. Але ж кожная з іх — адметная. Няхай гэтая кніга стане для цябе добрым пуцяводнікам: перанясе ў неверагоднае  падарожжа і пазнаёміць з спадчынай, якую жанчыны захоўвалі на працягу многіх стагоддзяў.

Два томы “Патаемнай спадчыны” змяшчаюць 12 казак пра выдатных беларусак, якія жылі ў розны час – ад сярэдневечча да сучаснасці. У школьных падручніках гэтых жанчын амаль не згадваюць. Разам з тым яны адыгралі значную ролю ў гісторыі Беларусі і свету.
Мэта кніг — не толькі праз казку пазнаёміць з імі, але і паказаць: кожная жанчына непаўторная і можа быць рознай. Яе прызначэнне не абавязкова зводзіцца да кухні і выхавання дзяцей. Яна можа кіраваць краінай, засноўваць тэатр, лекаваць хворых, браць удзел у паўстанні — і шмат іншага!
“Патаемная спадчына “ — гэта не проста асветніцкія казкі, гэта — гісторыі-натхненне!