Цягнік да Познаня

«Цягнік да Познаня» — гэта кніга пра жыццё паміж краінамі і культурамі, пра пошук сябе ў новай прасторы, дзе кожная сустрэча становіцца люстэркам эмігранцкага досведу. Аляксей Правалоцкі прапануе пяцьдзясят гісторыяў, у якіх пераплятаюцца настальгія па Беларусі, спроба асэнсаваць польскую рэальнасць і асабістыя траўмы, што не губляюць актуальнасці нават пасля пераезду. Гэта не проста зборнік эсэ, а мапа чалавечых лёсаў, на якой кожны чытач можа знайсці водгук уласнага шляху.

***
Зборнік эсэ

Аляксей Правалоцкі нарадзіўся ў Менску. Працаваў выкладчыкам Менскага дзяржаўнага лінгвістычнага ўніверсітэта. Некаторы час жыў у Адэсе, потым з’ехаў у Варшаву. Дэбютная кніга “Жыццё ў дванаццаці апавяданнях” выйшла ў 2024 годзе.

Другая кніга аўтара “Цягнік да Познаня” — пяцьдзясят гісторый пра жыццё без каталіцкага пашпарта і спробу намацаць абрысы новай краіны. Гэта серыя партрэтаў сапраўдных людзей, збольшага палякаў, выхапленых у розных польскіх гарадах і прапушчаных праз эмігранцкі досвед, настальгію і водгалас беларускай траўмы. Некаторыя персанажы з’яўляюцца толькі раз, некаторыя ўсплываюць у розных гісторыях.

“Цягнік да Познаня”— пераможца конкурсу рукапісаў “Шуфлядка” за 2024 год у намінацыі “Нон-фікшн”.